| |
هەواڵ
کاروباری ئۆتۆمبیلی تاکسی لەمەرزی باشماخ رێکدەخرێت
  2018-02-27       239       
هۆبەی راگەیاندن و پەیوەندییەکانی بەڕێوەبەرایەتی کۆمەڵگای دەروازەی نێودەولەتی باشماخ
لەبەر بەرژەوەندی گشتی و جێبەجێکردنی یاسا و رێنماییەکان بەرێز( ئەزوەر محمود صاڵح ) سەرپەرشتیاری کۆمەڵگای دەروازەی نێودەوڵەتی باشماخ بەئامادەبوونی بەڕێزان نوێنەری یاریدەدەرێتی ئاسایشی باشماخ و نوێنەری بنکەی پۆلیسی هاتووچۆ و لێپرسراوی بنکەی پۆلیسی باشماخ لە بەرواری 2018/2/26 لەکۆبوونەوەیەکی لەگەڵ شۆفیری تاکسییەکانی مەرزی نێودەوڵەتی باشماخ چەند بریار و ڕاسپاردەیەکی گرنگی دا تایبەت بە رێکخستنی کارووبارەکانیان تاوەکوو بەهەمووان زیاتربتوانن رێ لەکاری نایاسایی وقەدەغە کراو بگرن, هەرشۆفێرێکیش پابەندی بریارەکان نەبێت سزا دەدرێت بەپێی یاسا , هاوکات چەند رێنماییەکی پێویستی پێدان لەکاتی بەردەوامبوون لەکارکردنیان : ۱/ ڕێگە نادرێت هیچ شۆفێرێک باری نایاسای و قەدەغەکراو بگوازێتەوە و هەرشۆفێرێک سەرپێچی بکات بەپێی ڕێنمایی ویاسا سزادەدرێت . ۲/ فەرمانبەرانی دەروازەکانی بەڕێوەبەرایەتی کۆمەڵگای باشماخ و بە هەم ئاهەنگی بەشەسەربازیەکان بەرپرسن لە پشکنینی هاوڵاتیان و ئەو ئۆتۆمبیل و بارهەڵگرانەی کە دێنە ناو دەروازەی باشماخەوە . ۳/ کارکردن لەسەر بنەمای ڕێزگرتن لەو سەرنشین وگەشتیارانەی کە سەردانی هەرێمی کوردستان دەکەن و بەشێوازێکی جوان و شایستە پێشوازیان لێ بکرێت . ٤/ بەهەم ئاهەنگی سەرجەم لایەنە پەیوەندیدارەکان ڕێگری بکرێت لە کاری نایاسای و هێنانی کاڵاو کەل و پەلی قەدەغە کراو بۆ هەرێمی کوردستان و هەرکەس و لایەنێک ئەنجامی بدات بە پێی یاساو ڕێنمایەکان سزا دەدرێت . ٥/ دیاری کردنی شوێنی وەستانی ئەو ئۆتۆمبیلانەی کە کاری گواستنەوەی گەشیاران دەکەن لە دەرەوەی دەروازەو لە بەردەم نشینگەدا بەمەرجێک گرفتی هاتووچۆ دروست نەکات . ٦/ ڕێگە نادرێت هیچ ئۆتۆمبیل و هاوڵاتیەک بەبێ باجی تایبەتی بەڕێوەبەرایەتی کۆمەڵگای باشماخ ەوە بێتە ناو دەروازە وە . ۷/ هەرکاتێک کارێکی نایاسای و قەدەغە کراو بەدی کرا ڕاستەوخۆ لایەنی پەیوەندیداری لێ ئاگاداربکرێتەوەو سەرپێچیکار بە پێی یاساو ڕێنماییەکان سزا بدرێت . ۸/ ئەو ئۆتۆمبیلانە کاریان تەنها گواستنەوەی گەشتیاران دەبێت و بەهیچ شێوەیەک ڕێگەنادرێت کاڵاوشتومەکی بازرگانی بگوازنەوە .