| |
لەناوبراو
نزیکەى (٢) تەن جگەرى قاچاخ دەستى بەسەردا گیرا و لەناوبرا !!!
  2018-06-11       431       
هۆبەى ڕاگەیاندن و پەیوەندییەکانى بەڕێوەبەرایەتى کۆمەڵگاى دەروازەى نێودەوڵەتى باشماخ

بەروارى ١٠-٦-٢٠١٨ توانرا لە لایەن کارمەندانى بەڕێوەبەرایەتى گومرگى باشماخەوە دەست بەسەر بڕى (١٩٠٠)کگم جگەرى قاچاخدا بگیرێت و ڕێگە لەبەقاچاخ بردنى ئەو بابەتە قەدەغەکراوە بگیرێت،دواتر و پاش ئەنجامدانى ڕێکارە ئیدارى و یاساییەکان بۆ ئەو بارە، بڕیاردرا بەپێهێنانى لیژنەیەک لە نوێنەرى چەند فەرمانگەیەکى پەیوەندى دارى کۆمەڵگاى باشماخ بەمەبەستى لەناوبردنى ئەو بڕە جگەرە کە لەژێرى باری تردا حەشاردرابوو بەمەبەستى هاوردەکردنى بۆ هەرێمى کوردستان،هاوکات خاوەنى بارە قاچاخەکە ڕووبەڕووى سزاى یاسایى کرایەوە.

شایەنى باسە هاوردەکردنى جگەر لە کۆمارى ئیسلامى ئێرانەوە یاساغە و ڕێگەپێدراو نیە، بۆیە داواکارى لە بازرگانان و شۆفێران هەوڵى لەم شێوەیە دوبارەنەکەنەوە،هەروەها کەرەستە و کاڵاى قاچاخ و خراپ هاوردە نەکەن تاکو خۆیان هاونیشتمانیان و کۆمەڵگاش زیانیانى تەندروستیان پێ نەگات  بەوکارانە.

دەستخۆشى بۆ (بەڕێوەبەرایەتى گومرگى باشماخ)و سەرجەم فەرمانگە جیاجیاکانى کۆمەڵگاى باشماخ.