| |
هەواڵ
سەرپەرشتیارى کۆمەڵگاى باشماخ داواى بەپەلە بە دەنگەوەهاتنى حکومەتى هەرێم بۆ مەرزى باشماخ و قەزاى پێنجوێن دەکات.
  2018-07-02       2155       
هۆبەى ڕاگەیاندن و پەیوەندییەکانى بەڕێوەبەرایەتى کۆمەڵگاى دەروازەى نێودەوڵەتى باشماخ

لەمیانى بەڕێوەچوونى مەراسیمى ڕێزلێنان لە چەند بەرپرسێکى کۆمەڵگاى باشماخ لە هۆڵى میوانخانەى بەڕێوەبەرایەتى کۆمەڵگاى دەروازەى نێودەوڵەتى باشماخ لە بەروارى ١-٧-٢٠١٨ (ئەزوەر محمود ساڵح ) سەرپەرشتیارى کۆمەڵگاى دەروازەى نێودەوڵەتى باشماخ، ووتارێکى پێشکەشکرد و تێیدا باسى لەچەند بابەت و کێشەیەکى گرنگ سەبارەت بە مەرزى باشماخ و قەزاى پێنجوێن کردوو، ئاماژەى بە سێ خاڵى گرنگ و هەستیاردا ئەوانیش بریتیبوون لە:

1-    هەوڵبدرێت بەزووترین کات ڕێگاى دووسایدى (پێنجوێن – باشماخ) تەواو بکرێت، کە لەئێستادا ئیشەکانى بەهۆى قەیرانى داراییەوە ڕاگیراوە و ئیشى تێدا ناکرێت و ئەم پڕۆژەیە بەشێوەیەکى تەواو نەکراو بەجێ هێڵراوە لەلایەن کۆمپانیاى جێبەجێ کارەوە.هاوکات لە ئێستادا ئەم ڕێگایە بەشێوەیەکى زۆر خراپ تێکچووە و شیاوى مەرزێکى نێودەوڵەتى وەکوو باشماخ نیە، ئەمەش بووتەهۆى هۆى کەمکردنەوەى جمووجوڵى بازرگانى لەم خاڵ سنوریەگرنگەوە.

2-    پێویستە بەزووترین کات سەرجەم ئەو پڕۆژە تەواونەکراوانەى لەنێو کۆمەڵگاى باشماخدان تەواوبکرێن کە لە ماوەى ڕابردوودا کارکردن تێیاندا ڕاگیراوە و بە تەواو نەکراوى ماونەتەوە.

3-    وەک پێشنیارێک بۆ حکومەتى هەرێم کە سەرجەم ئەو پرۆژە وەستاوانەى باسکران بڕێک بووجەى بۆ تەرخانبکرێت لە داهاتى گومرگى مەرزى باشماخ  و لەهەمانکاتدا لەداهاتى باشماخ بڕێک بووجەى دیاریکراو تەرخانبکرێت بۆ قەزاى پێنجوێن، بەهۆى ئەوەى ئەم مەرزە دەکەوێتە سنورى قەزاکەوە.    

(ئەزوەر محمود ساڵح ) سەرپەرشتیارى کۆمەڵگاى دەروازەى نێودەوڵەتى باشماخ