| |
هەواڵ
فەرمانگەکانى باشماخ بەهاوکارى کۆمپانیاى ڕەزگە ئیشوکارەکان زیاتر بەرەوپێش دەبەن
  2018-07-25       654       
هۆبەى ڕاگەیاندن و پەیوەندییەکانى بەڕێوەبەرایەتى کۆمەڵگاى دەروازەى نێودەوڵەتى باشماخ

بەروارى ٢٤-٧-٢٠١٨ بەسەرپەرشتى بەڕێز (ئەزوەر محمود صاڵح) سەرپەرشتیارى کۆمەڵگاى دەروازەى نێودەوڵەتى باشماخ کۆبوونەوەیەک ئەنجامدرا لەگەڵ کۆمپانیاى ڕەزگە و بەڕێوەبەرایەتى گومرگى باشماخ و کەرەنتینە و بنکەکانى پشکنینى کۆمەڵگاى باشماخ ، بەمەبەستى بەدواداچوون بۆ ئیشوکارەکان و دیاریکردنى کێشەکان و چۆنیەتى بەڕێوەچوونى کارەکان لەگەڵ کۆمپانیاى ڕەزگە تاکو زیاتر هاوکارى و هەماهەنگى لەنێوانیاندا هەبێت لەپێناو پاراستنى تەندروستى هاوڵاتیان.

هاوکات ئاماژەش بەوەدرا کە پێویستە هەوڵبدرێت ڕۆتیناتى پشکنین و گومرگکردنى بارەکان کەمبکرێتەوە و ئاسانکارى زیاتر بۆ بازرگان و خاوەن بارەکان بکرێت تاکوو گەشەى زیاتر بە ئاڵوگۆڕى بازرگانى بدرێت لە خاڵى سنورى باشماخەوە.

لە کۆتایشدا سەرجەم بنکە و فەرمانگەکان سوپاسى کۆمپانیاى ڕەزگەیانکرد کە لەوماوەیەى دەست بەکاربوون توانیویانە بەشێوەیەکى زۆرباش هەواهەنگى و هاوکارى لەنێوانیاندا هەبێت و کاروبارەکان بەشێوەیەکى زۆر باش بەڕێوە ببەن.