| |
هەواڵ
بۆ ماوەى ٢٤ کاتژمێر هاتووچۆى بارهەڵگر لە کۆمەڵگاى باشماخ ڕادەگیرێت !!!
  2018-08-16       2801       
هۆبەى ڕاگەیاندن و پەیوەندییەکانى بەڕێوەبەرایەتى کۆمەڵگاى دەروازەى نێودەوڵەتى باشماخ

بەبۆنەى ھاتنەوەى جەژنى قوربانى پيرۆزەوە بەناوى بەڕێوەبەرايەتى كۆمەڵگاى دەروازەى نێودەوڵەتى باشماخەوە جوانترين  و گەرمترين پيرۆزبايى ئاڕاستەى سەرجەم موسڵمانان و ھاونيشتمانيان و كەسوكارى سەربەرزى شەھيدان و سەرجەم فەرمانبەرانى كۆمەڵگاى دەروازەى نێودەوڵەتى باشماخ دەكەين، ھيواى بەسەربردنى كاتێكى خۆش لەڕۆژانى جەژندا بۆ ھەمووان دەخوازين و لەخواى گەورە داواكارين حەجى حاجیان قبوڵ بکات..

ھەر بەو بۆنەيەوە بە پێويستى دەزانين سەرجەم شۆفێرى بارھەڵگرە بەڕێزەكان ئاگادار  بكەينەوە كە  ڕۆژى سێ شەممە  بەروارى ٢١-٨-٢٠١٨ هاتووچۆى سەرجەم  ئەو بارهەڵگرانەى کە لەکۆمەڵگاى دەروازەى نێودەوڵەتی باشماخەوە هاتووچۆ دەکەن ڕادەگیرێت بۆ ماوەى ٢٤ کاتژمێر،

واتە هیچکارێکى گومرگى بۆ بارهەڵگرناکرێت، ڕۆژانى دواتر وەك خۆى ئاسايى دەبێتەوە.

هاوکات هاتووچۆى گەشتیارى ئاساییەو بەردەومە و ڕاناگیرێت.