| |
ئامار
زیاتر لە دوازدە هەزار گەشتیار لە ڕۆژانى جەژنى قورباندا لەڕێگەى کۆمەڵگاى نێودەوڵەتى باشماخەوە سەردانى کۆمارى ئیسلامى ئێرانینان کردووە
  2018-08-26       844       
هۆبەى ڕاگەیاندن و پەیوەندییەکانى بەڕێوەبەرایەتى کۆمەڵگاى دەروازەى نێودەوڵەتى باشماخ

هۆبەى ئاماری بەڕێوەبەرایەتى کۆمەڵگاى دەروازەى نێودەوڵەتى باشماخ بەهەماهەنگى بنکەى نشینگەى باشماخ  رایدەگەیەنن،بەراورد بە ساڵانی رابردوو لەمساڵدا  ڕێژەى ڕۆشتنى گەشتیارانى هەرێمى کوردستان بۆ ووڵاتى ئێران زیادى کردووە بەڕێژەیەک کە لەماوەى یەک هەفتەى جەژنى قوربانى پیرۆزدا  لە بەروارى  ١٩-٨- تاکو ٢٥-٨-٢٠١٨ (12202) گەشتیار ڕویان لە کۆمارى ئیسلامى ئێران کردووە و هەر بەپێى ئەو ئامارەش هاتنی گەشتیارانى ئێرانى بریتیبووە لە (9987) گەشتیار.

هەر سەبارەت بە زیادبوونى ژمارەى گەشتیارانى هەرێم بۆ ئێران،هۆکارەکەى دەگەڕێتەوە بۆ ئەو قەیرانەى کە لەئێستادا ڕووبەڕووى کۆمارى ئیسلامى ئێران بووەتەوە، ئەمەش وایکردووە کە هاوڵاتیانى هەرێمى کوردستان بەمەبەستى گەشتیارى لە پێشتر زیاتر ڕوو لەو ووڵاتە بکەن.

وەک بەڕێوەبەرایەتى کۆمەڵگاى دەروازەى نێودەوڵەتى باشماخ هیواى بەسەربردنى کاتێکى خۆش و تەندروست بۆ سەرجەم گەشتیاران و هاوڵاتیان  دەخوازین و هاوکات دەستخۆشى سوپاسى خۆمان ئاڕاستەى سەرجەم کارمەندانى بنکەى نشینگەى باشماخ دەکەین لەپاى بە ئەنجام گەیاندنى ئەرکەکانینان کە بەشێوەیەکى زۆرباش مامەڵەى گونجاو شیاویان لەگەڵ هاونیشتمانیان و گەشیاران لە بەڕێکردن و ئەنجامدانى کارەکەیان بە ئەنجام گەیاندووە.

دەستخۆشیش بۆ هۆبەى ئامار و کۆمپیوتەری بەڕێوەبەرایەتى کۆمەڵگاى دەروازەى نێودەوڵەتى باشماخ کە بەردەوام لەئەرک و هەوڵدان بۆ بەدەستهێنانى ئامارێکى دروست لەسەرجەم ئەو بابەتانەى کە پەیوەستن بە ئامارەوە.