| |
دەست بەسەردا گیراو
بڕى زیاتر لە (یەک) تەن جگەرى مرشکى ئێرانى دەستى بەسەردا دەگیرێت
  2018-10-22       725       
هۆبەى ڕاگەیاندن و پەیوەندییەکانى بەڕێوەبەرایەتى کۆمەڵگاى دەروازەى نێودەوڵەتى باشماخ

لەدرێژەى کاروچالاکى و ڕێگریکردن و بەمەبەستى پاراستنى تەندروستى هاونیشتمانیانى هەرێمى کوردستان لەلایەن بنکەى (یاریدەدەرێتى ئاسایشى باشماخ) هەر لەماوەى هەفتەى ڕابردوودا توانیویانە دەستبگرن بەسەر بڕى (١٠٠٠)کگم جگەرى مریشکى ئێرانى و دواتر لەلایەن تیمێکى بەڕێوەبەرایەتى کۆمەڵگاى دەروازەى نێودەوڵەتى باشماخەوە لەناوبرا.

شایەنى ئاماژەیە هەندێک قاچاخچى چاوچنۆک و کەسانى هەل پەرست هەندێک جار هەوڵدەدەن کە کەرەستە و کاڵاى نەشیا و نا تەندروست هاوردەى هەرێم بکەن، بەڵام خۆشبەختانە لەلایەن سەرجەم کارمەندانى فەرمانگە جیاجاکانى کۆمەڵگاى باشماخەوە ڕێگرى لەو هەوڵە نامرۆڤانەیە دەکرێت و بەشێوەیەکى بەرپرسانە فەرمانبەرانى کۆمەڵگا بە ئەرکەکانى خۆیان هەڵدەستن و لەپاش دەستگیرکردنى بارە قاچاخەکە کەسانى سەرپێچى کاریش ڕوبەڕوى یاسا دەکرێنەوە.

دەستخۆشى بۆ کارمەندانى (یاریدەدەرێتى ئاسایشى باشماخ)و سەرجەم فەرمانگە جیاجیاکانى کۆمەڵگاى باشماخ کە بەردەوام لەهەوڵ و ماندووبوندان و شەوڕۆژیان خستۆتە سەریەک بەمەبەستى پاراستنى تەندروستى و هاونشتمانیان.