| |
هەواڵ
شاندێکى باڵاى کۆمارى ئیسلامى ئێران گەشتنە هەرێمى کوردستان
  2018-12-10       856       
هۆبەى ڕاگەیاندن و پەیوەندییەکانى بەڕێوەبەرایەتى کۆمەڵگاى دەروازەى نێودەوڵەتى باشماخ

سەر لەبەیانى ئەمڕۆ دووشەمە ڕێکەوتى ٢٠١٨/١٢/١٠ شاندێکى باڵاى کۆمارى ئیسلامى ئێران لەڕێگەى دەروازەى نێودەوڵەتى باشماخەوە سەردانى هەرێمى کوردستانیان کرد ، سەرەتاو لەدەروازەى نێودەوڵەتى باشماخ لەلایەن هەریەک لەبەڕێزان (د.هەڤاڵ ئەبوبەکر پارێزگارى سلێمانى و لیوا/مەریوان کەمال سەرپەرشتیارى کۆمەڵگاى دەروازەى نێودەوڵەتى باشماخ و ئاغاى مەسعودیان سەرکونسوڵى کۆمارى ئیسلامى ئێران لە سلێمانى و زانا ڕەحمان قائیمقامى پێنجوێن و سیروان محمد سەرۆکى ژوورى بازرگانى سلێمانى) بەخێرهاتنى وەفدى میوان کرا ودواتر لەهۆڵى میوانخانەى بەڕێوەبەرایەتى کۆمەڵگا کۆبونەوەو تیایدا تیشک خرایە سەر پەیوەندى یەکانى هەرێمى کوردستان و کۆمارى ئیسلامى ئێران بەگشتى وهەردوو پارێزگاى سلێمانى و سنە بەتایبەتى و باس لەو پەیوەندى یە لەمێژینەیە کرا وەک دوو پارێزگاى هاوسنور و داوا کرا برەو بەو پەیوەندى و لێکتێگەیشتنانە بدرێ کە لەڕابردوودا دروستکراون لەسەرجەم بوارەکاندا و بۆ داهاتوو پێویستى بە لێکتێگەیشتن وهەماهەنگى زیاتر هەیە ، وەفدى میوان ڕایانگەیاند هەربۆهەمان مەبەست هاتوون و بۆ ماوەى دوو ڕۆژ لەپارێزگاى سلێمانى دەمێننەوەو چەندین کۆبونەوەو لێک تێگەیشتن لەبوارەکانى (بازرگانى و کوالێتى کۆنتڕۆل و ڕێگاوبان وگەشتیارى و گومرگى و ووزەو پەیوەندى یەگشتى یەکان)ئەنجام دەدەن ، پاشان بەرەو سلێمانى بەڕێکەوتن.

جێى ئاماژەیە وەفدى میوان پێکهاتبوون لە :

__بەهمەن مراد نیا / پارێزگارى سنە

__محسین بیگلرى/ نوێنەرى سەقزوبانە لەپەڕلەمانى ئێران

__منصورمرادى/ نوێنەرى مەریوان و سرواباد لەپەڕلەمانى ئێران

__حسینى فیروزى /جێگرى پارێزگار بۆ کاروبارى ئابووریی وبوژانەوەى سەرچاوەکان

__شەهرامى مەلەکى / جێگرى پارێزگار بۆ کاروبارى ئاوەدانى

__بەهرامى نصراللەزادە / سەرۆکى دەستەى بەڕێوەبردن وبەرنامەڕێژى پارێزگا

__فردینى اخلاقیان / سەرۆکى زانکۆى کوردستان لەسنە

__محمد درەوزمى /سەرۆکى دەستەى پیشەسازى وبازرگانى

__سیامک وحیدى / سەرۆکى زانکۆى پزیشکى

__سید کمال حسینى / سەرۆکى ژوورى بازرگانى سنە

__هیوا لهۆنیان / بەڕێوەبەرى گشتى دابەشکردنى کارەباى سنە

__رفیعى میرزا /بەڕێوەبەرى گشتى نەخشەدانان

__بەختیار رحمانى پوور / بەڕێوەبەرى گشتى گومرگ

__سید البورز حسینى /بەڕێوەبەرى گشتى ڕێگاوبان

__محمد فلاحى / قایمقامى بانە

__یوسف باشى / سەرپەرشتیار لە قائیمقامى مریوان

لەگەڵ بەڕێوەبەرى چەندین کۆمپانیا و چەند کاربەدەستێکى تر.