| |
هەواڵ
دەست بەسەر زیاتر لە تەن و نیوێک جگەرى مریشک و دەرمانى کشتوکاڵى دەگیرێت.
  2019-03-11       601       
هۆبەى ڕاگەیاندن و پەیوەندییەکانى بەڕێوەبەرایەتى کۆمەڵگاى دەروازەى نێودەوڵەتى باشماخ

سەرلەبەیانى ئەمڕۆ دووشەمە بەروارى ٢٠١٩/٣/١١ لە دەروازەى نێودەوڵەتى باشماخ دەستگیرا بەسەر بڕى زیاتر لە (١٥٠٠)کگم (جگەرى مریشک و دەرمانى قەدەغەکراوى کشتوکاڵى) کە بەشێوەى نهێنى و لەناو تانکەرێک نەوتى ڕەش حەشاردرابوو بەمەبەستى هاوردەکردنى بۆ بازاڕەکانى هەرێمى کوردستان هاتبووە  دەروازەى نێودەوڵەتى باشماخ،  ئەمەش پاش ئەوەى لەکاتى تێپەڕین بەناو ئامێرى سۆنەر گومان هەبوو کە لەناو یەکێک لە فارگۆنەکانى تەنکەرەکەدا کەل و پەلى تیاحەشاردرابێ، دواتر لەلایەن بەڕێوەبەرایەتى گومرکى باشماخ و هۆبەى ڕاگەیاندن و پەیوەندى یەکانى بەڕێوەبەرایەتى کۆمەڵگاى دەروازەى نێودەوڵەتى باشماخ پشکنینى بۆکرا دەرکەوت بەشێوەیەکى زۆر نهێنى و لەناو نەوتى ڕەشدا حەشاردرابوو دواتر بارەکە دەرهێنرا و بەلیژنەیەک لەناوبرا هەروەها ئۆتۆمبیلەکەش دەستى بەسەرداگیرا و شۆفێرەکەى ڕووبەڕووى سزاى یاسایی دەکرێتەوە.وەک بەڕێوەبەرایەتى کۆمەڵگاى دەروازەى نێودەوڵەتى باشماخ سوپاس و دەستخۆشیمان هەیە بۆ سەرجەم ئەو بەش و لایەن و کارمەندانەى کە لەسنوری دەروازەکەدا شەو و ڕۆژ کاردەکەن لەپێناوپاراستنى ئاسایشى خۆراک بۆ هاوڵاتیان و وەک هەمیشەش بەڵێن دەدەین کە بەردەوامبین لە ڕێگرى کردن لە دیاردەى قاچاخچێتى و خۆراک و کەل و پەلى نەشیاو و ڕێگەپێنەدراو لەپێناو بەرژەوەندى گشتى و کارکردن لە چوارچێوەى یاسا و ڕێنمایی یەکاندا.

(ڕاگەیاندن و پەیوەندییەکانى بەڕێوەبەرایەتى کۆمەڵگاى دەروازەى نێودەوڵەتى باشماخ)