ئەمڕۆ بەروارى (٢٠١٩/٥/١٣) کاتژمێر (٩)ى سەر لەبەیانى لەلایەن یاریدەدەرێتى ئاسایشى باشماخەوە شۆفێرێکى ئێرانى دەستگیرکرا کە بارهەڵگرێکى ئێرانى پێبوو شووشەى بارکردبوو ، بڕى  (٨٨٨ گرام و ٩٠ سەنت) مەوادى هۆشبەرى لەجۆرى (تریاک) بەشێوەیەکى زۆر نهێنى لە بارهەڵگرەکەدا حەشاردابوو کە بەنیازبوو لەڕێگەى  دەروازەى باشماخەوە داخڵى ناو هەرێمى کوردستانى بکات، پاش پشکنین و لێکۆڵینەوەى تەواو بۆ ئۆتۆمبێلەکەو شۆفێرەکەى ، تەسلیم بەدادگا دەکرێت  بۆئەوەى بەپێ ى یاساى حکومەتى هەرێمى کوردستان سزاى خۆى وەرگرێت.  بەناوى بەڕێوەبەرایەتى کۆمەڵگاى دەروازەى نێودەوڵەتى باشماخەوە سوپاس و دەستخۆشیمان ئاڕاستەى یاریدەدەرێتى ئاسایشى باشماخ دەکەین و هەر لێرەشەوە دڵنیایی تەواو دەدەینە هاوڵاتیانى خۆمان کە شەو و ڕۆژ کاردەکەین بۆ پاراستنى ئاسایشى خۆراک و ڕێگرى کردن لە کارێکى نەشیاو وقەدەغەکراو.                                                 

(ڕاگەیاندن و پەیوەندییەکانى بەڕێوەبەرایەتى کۆمەڵگاى دەروازەى نێودەوڵەتى باشماخ)